ശബരിമലയിൽ ആദ്യ 15 ദിവസത്തെ വരുമാനം 92 കോടി രൂപയായി ഉയർന്നു: കഴിഞ്ഞ വർഷത്തേക്കാൾ 33.33% വർധന

ശബരിമല: ശബരിമലയിൽ ആദ്യ 15 ദിവസത്തെ വരുമാനം 92 കോടി രൂപയായി ഉയർന്നു: കഴിഞ്ഞ വർഷത്തേക്കാൾ 33.33% വർധന

അരവണയിൽ മാത്രം 47 കോടി. മണ്ഡല-മകരവിളക്ക് തീർഥാടന സീസണിലെ ആദ്യ 15 ദിവസം (നവംബർ 16 മുതൽ 30 വരെ) തിരുവിതാംകൂർ ദേവസ്വം ബോർഡിന് ലഭിച്ച മൊത്തം വരുമാനം 92 കോടി രൂപ. കഴിഞ്ഞ വർഷം ഇതേ കാലയളവിൽ ലഭിച്ചത് 69 കോടി രൂപ മാത്രമായിരുന്നു. അതായത് 23 കോടി രൂപയുടെ വർധനയും 33.33 ശതമാനം വളർച്ചയും.

വരുമാനത്തിന്റെ തിളക്കം അരവണയാണ്. അരവണ വിൽപ്പനയിൽ നിന്ന് മാത്രം 47 കോടി രൂപ ലഭിച്ചു. കഴിഞ്ഞ വർഷം ഇതേ സമയം 32 കോടി രൂപയായിരുന്നു; ഇത്തവണ 46.86% കൂടുതൽ.

അപ്പത്തിന്റെ വിൽപ്പനയിൽ വലിയ വ്യത്യാസമില്ല. ഈ വർഷവും കഴിഞ്ഞ വർഷവും ഏകദേശം 3.5 കോടി രൂപ വീതം ലഭിച്ചു.കാണിക്ക വരുമാനം കഴിഞ്ഞ വർഷം 22 കോടിയിൽ നിന്ന് ഇപ്പോൾ 26 കോടിയായി ഉയർന്നു – 18.18% വർധന.

നവംബർ 30 വരെ ഏകദേശം 13 ലക്ഷം തീർഥാടകർ ശബരിമലയിൽ എത്തിയതായാണ് രേഖപ്പെടുത്തിയിരിക്കുന്നത്.