ക്രിക്കറ്റ് പോലെ തന്നെ സഞ്ജുവിന് പ്രിയം അമ്മയുടെ പഴങ്കഞ്ഞിയും ചൂട് മീൻകറിയും ;പിന്നെ സ്നേഹവും കരുതലും ചേർത്ത് വെയ്ക്കുന്ന സ്പെഷ്യൽ രുചി ഓർമ്മകളും

ക്രിക്കറ്റുപോലെ തന്നെ ഭക്ഷണത്തിന്റെ കാര്യത്തിലും സഞ്ജു സാംസൺ ഒരു വിട്ടുവീഴ്ചയ്ക്കും തയ്യാറല്ല .

അതിൽ എടുത്തുപറയേണ്ടത് 'അമ്മ ലിജി സാംസൺ തയ്യാറാക്കുന്ന പഴങ്കഞ്ഞിയും ചൂടുമീൻകറിയും പിന്നെ സ്പെഷ്യൽ ബീഫ്‌ബിരിയാണിയും.

ലോകത്തിന്റെ ഏതു കോണിൽ പോയാലും എന്ത് വ്യത്യസ്തതരം ഭക്ഷണങ്ങൾ കഴിച്ചാലും അമ്മയുടെ കൈകൊണ്ട് വിളമ്പി തരുന്ന ഭക്ഷണത്തിനു ഒരു പ്രത്യേക സ്വാദാണെന്നു സഞ്ജു എല്ലാ അവസരങ്ങളിലും പറയാറുണ്ട് .

ഒരുപാട് സ്നേഹവും കരുതലുമെല്ലാം ചേർത്ത് 'അമ്മ തയ്യാറാക്കി കൊടുക്കുന്ന ഭക്ഷണത്തിനാണ് സഞ്ജുവിന് പ്രധാനം .

കളി കഴിഞ്ഞു മടങ്ങാൻ എയർപോർട്ടിൽ എത്തുമ്പോൾ തന്നെ തന്റെ ഇഷ്ടപ്പെട്ട ഭക്ഷണവിഭവങ്ങൾ തയ്യാറാക്കി വെയ്ക്കണമെന്ന് സഞ്ജു അമ്മയോട് മെസ്സേജ് അയയ്ക്കും.

സഞ്ജു വീട്ടിലെത്തുമ്പോൾ തന്നെ 'അമ്മ എല്ലാം തയ്യാറാക്കി കാത്തിരിക്കും .അമ്മ ആ കാസറോൾ തുറക്കുമ്പോൾ വരുന്ന മണം.

അതു മനസ്സിൽ പിടിച്ചു കൊണ്ടാണു ഞാൻ ഫ്ളൈറ്റിൽ കയറുന്നത് തന്നെ. സഞ്ജു വളരെ കൊതിയോടെ പറയുന്നു ;മലയാളികൾക്ക് ഏറെ പ്രിയങ്കരനായ സഞ്ജുവിന്റെ രുചി ഓർമ്മകൾ ഏറെ വ്യത്യസ്തമായ ഒന്ന് തന്നെയാണ് .