മാനസിക സമ്മർദം മുതൽ ഹൃദയാരോഗ്യം വരെ സംരക്ഷിക്കാൻ ഡാർക്ക് ചോക്ലേറ്റ്
അൽപം കയ്പ്പനായതു കൊണ്ട് തന്നെ ഡാർക്ക് ചോക്ലേറ്റിനോട് എല്ലാവർക്കും താല്പര്യം വളരെ കുറവാണ്. എന്നാൽ ആരോഗ്യഗുണത്തിൽ മറ്റ് ചോക്ലേറ്റുകളെക്കാൾ വളരെ മുന്നിലാണ് ഡാർക്ക് ചോക്ലേറ്റ്. ഇതിൽ ആന്റിഓക്സിഡന്റുകൾ ഉൾപ്പെടെ നിരവധി പോഷകങ്ങൾ അടങ്ങിയിട്ടുണ്ട്. മാനസിക സമ്മർദം മുതൽ ഹൃദയാരോഗ്യം വരെ സംരക്ഷിക്കാൻ ഡാർക്ക് ചോക്ലേറ്റ് സഹായിക്കും.ഡാർക്ക് ചോക്ലേറ്റിൽ അടങ്ങിയ ബയോ-ആക്റ്റീവ് സംയുക്തങ്ങൾ സൂര്യാഘാതത്തിൽ നിന്ന് ചർമത്തെ സംരക്ഷിക്കും. കൂടാതെ ചർമത്തിലെ രക്തയോട്ടം മെച്ചപ്പെടുത്താനും അതിന്റെ സാന്ദ്രതയും ജലാംശവും വർധിപ്പിരക്കാനും ഇത് സഹായിക്കും.
വെളിയത്ത് പതിവായി ഇറങ്ങുന്നവരാണെങ്കിൽ ഡാർക്ക് ചോക്ലേറ്റ് ഡയറ്റിൽ ചേർക്കുന്നത് നല്ലതാണ്.ഡാർക്ക് ചോക്ലേറ്റ് കഴിക്കുന്നത് വയറിന് സംതൃപ്തി നൽകുന്നതിനാൽ അമിതമായി ഭക്ഷണം കഴിക്കുന്നത് തടയാനും സഹായിക്കുന്നു. അതുവഴി ശരീരഭാരം കുറയ്ക്കാനും സഹായിക്കുന്നു. ചീത്ത കൊളസ്ട്രോളിനെ കുറയ്ക്കാൻ ഡാർക്ക് ചോക്ലേറ്റ് കഴിവുണ്ട്. പ്രമേഹരോഗികൾക്കും ധൈര്യമായി ഡാർക്ക് ചോക്ലേറ്റ് കഴിക്കാവുന്നതാണ്. ഇതിലെ കൊക്കോയുടെ ഗുണങ്ങൾ പ്രമേഹരോഗികൾക്ക് വളരെയേറെ പ്രയോജനം ചെയ്യും. രക്തത്തിലെ പഞ്ചസാരയുടെ അളവ് കുറയ്ക്കാൻ ഇവ ഗുണം ചെയ്യും.