കടുത്ത വേനൽ ;ഇടുക്കി ഡാമില് ജലനിരപ്പ് കുറയുന്നു; ഇപ്പോഴുള്ളത് 2335 അടി വെള്ളം
തൊടുപുഴ: കടുത്ത വേനല് വന്നതോടുകൂടി ഇടുക്കി ഡാമിലെ ജലനിരപ്പ് കുറഞ്ഞു. ഇപ്പോഴുള്ളത് 2335 അടി വെള്ളം മാത്രമാണ്. ആകെ സംഭരണ ശേഷിയുടെ 35 ശതമാനം മാത്രമാണ് അണക്കെട്ടില് ഇപ്പോഴുള്ളത്. മുന്വര്ഷവുമായി താരതമ്യം ചെയ്യുമ്പോള് ഇപ്പോള് പത്തടി വെള്ളം കുറവാണ്.മുന്വര്ഷങ്ങളില് ഇക്കാലയളവില് വേനല്മഴ ലഭിച്ചിരുന്നു. എന്നാല് ഇത്തവണ ചെറിയ വേനല്മഴ ലഭിച്ചെങ്കിലും ജലനിരപ്പ് ഉയരാന് സഹായകമായിട്ടില്ലെന്നാണ് വിലയിരുത്തല്. ഡാമിലേക്ക് ഒഴുകിയെത്തുന്ന വെള്ളത്തിന്റെ അളവും കുറഞ്ഞിട്ടുണ്ട്.ചൂട് കടുത്തതോടെ ബാഷ്പീകരണ തോതും കൂടിയിട്ടുണ്ട്. അതും ജലനിരപ്പ് താഴാന് ഇടയാക്കിയിട്ടുണ്ട്. ശരാശരി 10 മുതല് 11 മില്യണ് യൂണിറ്റ് വരെ വൈദ്യുതിയാണ് ഇപ്പോള് ഡാമില് നിന്നും ഉത്പാദിപ്പിക്കുന്നത്. സാധാരണ മെയ് മാസത്തിലാണ് ഇത്രത്തോളം ജലനിരപ്പ് താഴാറുള്ളതെന്ന് ഉദ്യോഗസ്ഥര് ചൂണ്ടിക്കാട്ടുന്നു.