'ചീഫ് മിനിസ്റ്റർ ദളപതി വിജയ്'; വിജയ്ക്ക് അഭിനന്ദനവുമായി ജന നായകൻ സിനിമയുടെ നിർമാതാക്കൾ

തമിഴ്നാട്ടിൽ തെരഞ്ഞെടുപ്പിൽ ചരിത്രവിജയം നേടിയതിന് പിന്നാലെ ടിവികെ അധ്യക്ഷൻ വിജയ്ക്ക് അഭിനന്ദനവുമായി ജന നായകൻ സിനിമയുടെ നിർമാതാക്കൾ രംഗത്ത് . വിജയ്‌യുടെ കരിയറിലെ തന്നെ അവസാന ചിത്രമെന്ന വിശേഷണത്തോടെ എത്തിയ ചിത്രമായിരുന്നു ജന നായകൻ. ജനുവരി 9 ന് പൊങ്കൽ റിലീസായി എത്തേണ്ടിയിരുന്ന ചിത്രത്തിന് സെൻസർ സർട്ടിഫിക്കറ്റ് ലഭിക്കാതായതോടെയാണ് റിലീസ് പ്രതിസന്ധിയിലായത്."ഞങ്ങളുടെ ജന നായകന് ഹൃദയം നിറഞ്ഞ അഭിനന്ദനങ്ങൾ. ദളപതി വിജയ് സാർ, ഇന്ന് എല്ലാ പ്രതിബന്ധങ്ങളെയും മറികടന്ന് ചരിത്രം കുറിച്ചിരിക്കുകയാണ്. ഇത് തീർച്ചയായും ഒരു വിപ്ലവമാണ്, വരും തലമുറകളിൽ ഇത് പ്രതിധ്വനിക്കും"- എന്നാണ് ജന നായകന്റെ നിർമാതാവ് വെങ്കട്ട് കെ നാരായണ കുറച്ചിരിക്കുന്നത്.നിരവധി പേരാണ് പോസ്റ്റിന് താഴെ കമന്റുമായെത്തിയിരിക്കുന്നത്. ജന നായകൻ റിലീസ് ചെയ്യുമ്പോൾ മുഖ്യമന്ത്രി വിജയ് എന്ന ടൈറ്റിൽ കാർഡ് വയ്ക്കണമെന്നാണ് പലരും കുറിച്ചിരിക്കുന്നത്.അതേസമയം അടുത്തിടെ ജന നായകൻ ഓൺലൈനിൽ ചോർന്നതും വൻ വി​വാദമായി മാറിയിരുന്നു. കെവിഎൻ പ്രൊഡക്ഷൻസ് നിർമിച്ചിരിക്കുന്ന ചിത്രം സംവിധാനം ചെയ്തിരിക്കുന്നത് എച്ച് വിനോദ് ആണ്. മമിത ബൈജു, പൂജ ഹെ​ഗ്ഡെ എന്നിവരാണ് ചിത്രത്തിൽ നായിമാരായെത്തുന്നത്.