പിഎസ്സി പ്രായപരിധി വർധിപ്പിച്ചു: ജനറൽ വിഭാഗത്തിന് 40 വയസ്സ് വരെ അപേക്ഷിക്കാം
PSC increases age limit up to 40 years
By : Staff Reporter
Update: 2026-02-24 16:55 GMT
തിരുവനന്തപുരം: കേരള പബ്ലിക് സർവീസ് കമ്മീഷൻ (പിഎസ്സി) പരീക്ഷകൾക്ക് അപേക്ഷിക്കാനുള്ള ഉദ്യോഗാർഥികളുടെ പരമാവധി പ്രായപരിധി നാല് വർഷം കൂട്ടി. ജനറൽ വിഭാഗത്തിന് ഇനി 40 വയസ്സ് വരെ അപേക്ഷിക്കാം.
ജസ്റ്റിസ് ജെ.ബി. കോശി കമ്മീഷൻ റിപ്പോർട്ട് അംഗീകരിച്ചുകൊണ്ടാണ് മന്ത്രിസഭായോഗം ഈ തീരുമാനമെടുത്തത്. നിലവിൽ ജനറൽ വിഭാഗത്തിന് 36 വയസ്സ് വരെ മാത്രമേ അപേക്ഷിക്കാൻ അനുവാദമുണ്ടായിരുന്നുള്ളൂ. ഇത് നാല് വർഷം വർധിപ്പിച്ച് 40 വയസ്സാക്കി.
ആനുപാതികമായി സംവരണ വിഭാഗങ്ങളുടെ പ്രായപരിധിയും ഉയർത്തി. ഒബിസി വിഭാഗങ്ങൾക്ക് നിലവിലെ 39 വയസ്സിൽ നിന്ന് 43 വയസ്സ് വരെയാക്കി. എസ്സി, എസ്ടി വിഭാഗക്കാർക്ക് 45 വയസ്സ് വരെ അപേക്ഷിക്കാവുന്നതാണ്.
നിയമസഭാ തെരഞ്ഞെടുപ്പിന്റെ പശ്ചാത്തലത്തിൽ എടുത്ത ഈ സുപ്രധാന തീരുമാനം സംസ്ഥാനത്തെ യുവജനങ്ങൾക്കും ഉദ്യോഗാർഥികൾക്കും വലിയ ആശ്വാസമാകും.