അച്ഛന്റെ 75 ആം ജന്മദിനത്തിൽ ഹൃദയത്തിൽ തൊടുന്ന കുറിപ്പുമായി കാവ്യ മാധവൻ

നടി കാവ്യ മാധവനെപോലെ തന്നെ മലയാളികൾക്ക് പരിചിതമാണ് കാവ്യയുടെ മാതാപിതാക്കളായ പി മാധവനും ശ്യാമളയും .

കാവ്യയുടെ വളർച്ചയുടെ ഘട്ടങ്ങളിലെല്ലാം അതോടൊപ്പം സഞ്ചരിച്ച വ്യക്തികളായിരുന്നു ഇരുവരും .എന്നാൽ ഇക്കഴിഞ്ഞ ജൂണിൽ കാവ്യയുടെ അച്ഛൻ പി മാധവൻ അന്തരിച്ചു .

ഇപ്പോഴിതാ അദ്ദേഹത്തിന്റെ അസാന്നിധ്യത്തിൽ അച്ഛന്റെ 75 – ആം ജന്മദിനത്തിൽ സോഷ്യൽ മീഡിയയിലൂടെ ഹൃദയത്തിൽ തൊടുന്ന കുറിപ്പ് പങ്കുവെച്ചിരിക്കുകയാണ് കാവ്യ മാധവൻ .

കുറിപ്പിന്റെ പൂർണ രൂപം

ഇന്ന് നവംബർ 10; അച്ഛന്റെ 75-ാം പിറന്നാൾ. അച്ഛൻ ഒരിക്കലും ഓർത്തിരിക്കാത്ത, ആഘോഷിക്കാത്ത ദിവസം. അച്ഛന്റെ സന്തോഷങ്ങൾ എപ്പോഴും ഞങ്ങളായിരുന്നു. പക്ഷേ ഈ പിറന്നാൾ വലിയ ആഘോഷമാക്കണമെന്ന് ഞാൻ ഒരുപാട് ആഗ്രഹിച്ചിരുന്നു. അതിനായി അച്ഛൻ അറിയാതെ കുറെയേറെ കാര്യങ്ങൾ നേരത്തെ പ്ലാൻ ചെയ്തിരുന്നു.എന്റെ ഓരോ പിറന്നാളും ജീവിതത്തിലെ ഏറ്റവും മനോഹരമായ ഓരോ ഓർമകളാക്കിയ അച്ഛന്റെ ഈ 75–ാം പിറന്നാൾ ഏറ്റവും ഗംഭീരമാക്കാനുള്ള തയാറെടുപ്പുകൾ. പക്ഷേ...അച്ഛന് തിരക്കായി…എഴുപത്തിയഞ്ചാം പിറന്നാൾ ദിനത്തിൽ ഏഴു തിരിയിട്ട വിളക്ക് പോൽ തെളിയുന്ന അച്ഛന്റെ ഓർമകൾക്ക് മുമ്പിൽ ഹൃദയാഞ്‌ജലി’.കാവ്യ കുറിച്ചത് ഇങ്ങിനെ ആയിരുന്നു .

തന്റെ കൂടെ ഇപ്പോഴും ഉണ്ടായിരുന്ന തന്റെ നട്ടെല്ലാണ് മാതാപിതാൾ എന്ന് കാവ്യ പല സന്ദര്ഭങ്ങളിലും പറഞ്ഞിട്ടുണ്ട് .