റേഷൻകടയിലെ ക്രമക്കേടുകൾ തടയുന്നതിന് റേഷൻ കടകളിൽ സി സി ടി വി സ്ഥാപിക്കാനൊരുങ്ങുന്നു

തിരുവനന്തപുരം: റേഷന്‍ കടകള്‍ വഴി സാധാരണക്കാര്‍ക്കു വിതരണം ചെയ്യേണ്ട സാധനങ്ങളിൽ ക്രമക്കേടുകൾ നടത്തിയാൽ അത് കണ്ടെത്തുന്നതിനായി സി സി ടി വി സ്ഥാപിക്കുന്നു .സംസ്ഥാനത്തെ പതിനാലായിരത്തോളം റേഷന്‍കടകളില്‍ നിരീക്ഷണത്തിനായി സിസിടിവി സ്ഥാപിക്കാനുള്ള പദ്ധതി ഭക്ഷ്യപൊതുവിതരണ വകുപ്പ് തയ്യാറാക്കി.സംഭരിച്ച നെല്ല് മില്ലുകളിലേക്ക് കൊണ്ടുപോകുന്ന വാഹനങ്ങളില്‍ ജിപിഎസ് സംവിധാനം ഏര്‍പ്പെടുത്താനും നീക്കമുണ്ട്. അടുത്ത വര്‍ഷത്തെ ബജറ്റിലേക്കായി വകുപ്പിന്റെ നിര്‍ദേശങ്ങളില്‍ ഇവ ഉള്‍പ്പെടുത്തും.റേഷന്‍ സാധനങ്ങള്‍ അനധികൃതമായി കൈമാറുന്നതും മറിച്ചുവില്‍ക്കുന്നതും ഉള്‍പ്പടെയുള്ള ക്രമക്കേടുകള്‍ തടയുകയാണ് ക്യാമറ വെക്കുന്നതിന്റെ ലക്ഷ്യം.