സ്വകാര്യ ആശുപത്രി നഴ്സുമാരുടെ ശമ്പളം പരിഷ്കരിച്ചു; കരട് വിജ്ഞാപനം പുറത്ത്

തിരുവനന്തപുരം: സ്വകാര്യ ആശുപത്രികളിലെ നഴ്സുമാരുടെയും മറ്റ് വിഭാഗം ജീവനക്കാരുടെയും ശമ്പളം പരിഷ്കരിച്ച് സംസ്ഥാന സർക്കാർ കരട് വിജ്ഞാപനം പുറത്തിറക്കി.

നഴ്സുമാരുടെ മിനിമം ശമ്പളം 25,450 രൂപ മുതൽ 30,880 രൂപ വരെയാണ് നിശ്ചയിച്ചിരിക്കുന്നത്.

നഴ്സുമാരുടെ പുതുക്കിയ ശമ്പള സ്കെയിലുകൾ ഇങ്ങനെ (തസ്തികയും ശമ്പള സ്കെയിലും):

🔸 നഴ്സസ് മാനേജർ (എംഎസ്‌സി + 5 വർഷ പ്രവൃത്തിപരിചയം / ബിഎസ്‌സി + 10 വർഷ പ്രവൃത്തിപരിചയം) / നഴ്സസ് ഡയറക്ടർ / നഴ്സസ് ഓഫിസർ – 27,330–33,080 രൂപ

🔸 നഴ്സിങ് സൂപ്രണ്ട് (ബിഎസ്‌സി + 5 വർഷ പ്രവൃത്തിപരിചയം) / മേട്രൻ (ബിഎസ്‌സി / ജിഎൻഎം + 10 വർഷ പ്രവൃത്തിപരിചയം) – 27,170–32,870 രൂപ

🔸 അസിസ്റ്റന്റ് നഴ്സിങ് സൂപ്രണ്ട് / ഡപ്യൂട്ടി നഴ്സിങ് സൂപ്രണ്ട് (ബിഎസ്‌സി + 5 വർഷ പ്രവൃത്തിപരിചയം / ജിഎൻഎം + 10 വർഷ പ്രവൃത്തിപരിചയം) – 26,770–32,320 രൂപ

🔸 ഹെഡ് നഴ്സ് / ക്ലിനിക്കൽ സൂപ്പർവൈസർ / സിസ്റ്റർ ഇൻ-ചാർജ് / ഗ്രൂപ്പ് ക്യാപ്റ്റൻ / നേതാവ് – 26,690–32,290 രൂപ

🔸 ട്യൂട്ടർ നഴ്സ് / ക്ലിനിക്കൽ ഇൻസ്ട്രക്ടർ (ഇഎംടി / ആംബുലൻസ്) – 25,930–31,380 രൂപ

🔸 സ്റ്റാഫ് നഴ്സ് (ജിഎൻഎം / ബിഎസ്‌സി / റജിസ്റ്റേർഡ് എഎൻഎം സ്പെഷ്യൽ ഗ്രേഡ് - 10 വർഷ പ്രവൃത്തിപരിചയം) / ഇഎംടി / ആംബുലൻസ് നഴ്സ് – 25,450–30,800 രൂപ

🔸 എഎൻഎം ഗ്രേഡ് - 1 (5 വർഷ പ്രവൃത്തിപരിചയം) – 24,650–29,850 രൂപ

🔸 എഎൻഎം ഗ്രേഡ് 2 – 24,290–29,390 രൂപഈ പരിഷ്കരണം നഴ്സുമാരുടെ ദീർഘകാല ആവശ്യങ്ങൾക്ക് അനുസരിച്ചുള്ളതാണ്.

കരട് വിജ്ഞാപനത്തിന് എതിർപ്പുകൾ ഉണ്ടെങ്കിൽ അവ കേൾക്കാനുള്ള സമയവും ഉണ്ടാകും.