ഇളയരാജയുടെ പേര്, ചിത്രങ്ങൾ, ഗാനങ്ങൾ എന്നിവ സാമ്പത്തിക ലാഭത്തിനായി അനുമതിയില്ലാതെ ഉപയോഗിക്കുന്നത് വിലക്കി ഹൈക്കോടതി

ചെന്നൈ: തന്റെ വ്യക്തിത്വ അവകാശങ്ങൾ സംരക്ഷിക്കണമെന്നു ആവശ്യപ്പെട്ടു ഇളയ രാജ നൽകിയ ഹർജിക്കുമേൽ ഉത്തരവ് പുറപ്പെടുവിച്ചു മദ്രാസ് ഹൈക്കോടതി .

ഇളയരാജയുടെ ചിത്രങ്ങളോ പേരോ ദൃശ്യങ്ങളോ സാമ്പത്തിക ലാഭത്തിനായി അദ്ദേഹത്തിന്റെ അനുമതിയില്ലാതെ ഉപയോഗിക്കുന്നത് താത്കാലികമായി തടഞ്ഞുകൊണ്ടാണ് മദ്രാസ് ഹൈക്കോടതി ഉത്തരവിട്ടിരിക്കുന്നത് .

ജസ്റ്റിസ് എൻ സെന്തിൽ കുമാറാണ് ഇത്തരത്തിൽ വിധി പ്രഖ്യാപിച്ചിരിക്കുന്നത് .തന്റെ ചിത്രമോ പേരോ കലാസൃഷ്ടികളോ അതേപോലെയോ തമാശ രൂപത്തിലോ നിർമിത ബുദ്ധിയുടെ സഹായത്തോടെയോ യുട്യൂബ് ചാനലുകളിലോ സമൂഹ മാധ്യമങ്ങളിലോ മൂന്നാം കക്ഷികൾ അനുമതിയില്ലാതെ ഉപയോഗിക്കുന്നത് തടയണം എന്നാണ് ഇളയരാജ ഹർജിയിൽ ആവശ്യപ്പെട്ടത്.

തന്റെ ചിത്രങ്ങളോ അതിനു സമാനമായ ചിത്രങ്ങളോ തെറ്റിദ്ധാരണ പരത്തുന്ന രൂപത്തിൽ സാമ്പത്തിക ലാഭത്തിനായി ഉപയോഗിക്കുന്നുണ്ടെന്നു കണ്ടെത്തിയതിന്റെ അടിസ്ഥാനത്തിലാണ് ഈ ആവശ്യമെന്നും ഹർജിയിൽ പറഞ്ഞു.