ഭക്ഷണശാലകളിൽ നടത്തുന്ന പരിശോധനയ്ക്കിടെ പിടിച്ചെടുക്കുന്ന ഭക്ഷണസാധനങ്ങൾ പ്രദർശിപ്പിക്കരുതെന്ന ഉത്തരവുമായി ആരോഗ്യവകുപ്പ്

തൊടുപുഴ :ഭക്ഷണശാലകളിൽ ശുചിത്വവും ഗുണനിലവാരവും ഉറപ്പാക്കുന്നതിനായി നടത്തുന്ന പരിശോധനകളിൽ പിടിച്ചെടുക്കുന്ന മോശം ഭക്ഷണങ്ങൾ മാധ്യമങ്ങളിലൂടെ പ്രദർശിപ്പിക്കരുതെന്ന നിർദ്ദേശവുമായി ആരോഗ്യവകുപ്പ് .

പരിശോധനകളും നടപടികളും കർശനമാക്കുന്നതിനായി ഒക്ടോബർ 23-ന് പുറത്തിറക്കിയ ഉത്തരവിലാണ് ഇത്തരത്തിലുള്ള പരാമർശം നടത്തിയിരിക്കുന്നത് .

ഇതിന്റെ ഭാഗമായി ഇപ്പോൾ പരിശോധനകളിൽ നിന്നും ലഭിക്കുന്ന പഴകിയ ഭക്ഷണങ്ങൾ മാധ്യമങ്ങൾക്കുമുന്നിൽ ഉദ്യോഗസ്ഥർ പ്രദർശിപ്പിക്കുന്നില്ല.

എല്ലാ നടപടികളും രഹസ്യ സ്വഭാവത്തോടെയാണ് കൈകാര്യം ചെയ്യുന്നത് .ഇതിൽ ചില ജീവനക്കാർക്ക് അസംതൃപ്തി ഉണ്ട്

.മാധ്യമങ്ങളിലൂടെ വാർത്ത വരുന്നതുകൊണ്ടാണ് ഗുണനിലവാരമുള്ള ഭക്ഷണം ഉറപ്പാക്കാൻ കഴിയുന്നതെന്ന് ഉദ്യോഗസ്ഥർ പറഞ്ഞു .

ഉത്തരവിലെ പരാമർശത്തിന്റെ ബലത്തിൽ, ഭക്ഷണശാലകളുടെ ഉടമകൾ ഉദ്യോഗസ്ഥർക്ക് കൈക്കൂലിനൽകി നടപടി ഇല്ലാതാക്കാനും സാധ്യതയുണ്ട്.

ഉത്തരവിൽ വ്യക്തതവരുത്തി, ഈ പരാമർശം ഒഴിവാക്കണമെന്ന് ഉദ്യോഗസ്ഥർ ആവശ്യപ്പെടുന്നു.