സിഎംആര്എല് എക്സാലോജിക് ഇടപാടിൽ മുഹമ്മദ് റിയാസിനും വീണയ്ക്കുമെതിരെ കേസെടുക്കണം ;ഡിജിപിക്ക് കത്ത് നല്കി ഇഡി
തിരുവനന്തപുരം: സിഎംആര്എല് എക്സാലോജിക് ഇടപാടില് പ്രതിപക്ഷ നേതാവ് പിണറായി വിജയന്, മുന്മന്ത്രി മുഹമ്മദ് റിയാസ്, ഭാര്യ ടി വീണ എന്നിവര്ക്കെതിരെ കേസ് എടുക്കണമെന്ന് ചൂണ്ടിക്കാണ്ടി സംസ്ഥാന പൊലീസ് മേധാവിക്ക് ഇഡി കത്ത് നല്കി. അഴിമതി തടയല് നിയമം 66(2) വകുപ്പ് പ്രകാരം കേസില് സമാഹരിച്ച തെളിവുകള് ഉള്പ്പെടുത്തി വിശദമായ റിപ്പോര്ട്ടും ഡിജിപിക്ക് നല്കിയിട്ടുണ്ട്. ഇതിന്റെ അടിസ്ഥാനത്തില് എഫ്ഐആര് രജിസ്റ്റര് ചെയ്യണമെന്നാണ് ആവശ്യം.കേസുമായി ബന്ധപ്പെട്ട് പ്രതിപക്ഷ നേതാവ് പിണറായി വിജയന്റെ വീട്ടിലും മുഹമ്മദ് റിയാസിന്റെ സുഹൃത്തുക്കളുടെ വീട്ടിലും ഓഫിസിലും ഉള്പ്പെടെ സംസ്ഥാനത്തിന്റെ പല ഭാഗങ്ങളില് എന്ഫോഴ്സ്മെന്റ് ഡയറക്ടറേറ്റ് പരിശോധന നടത്തിയിരുന്നു. പരിശോധനയില് നിര്ണായകമായ പല രേഖകള് കണ്ടെത്തിയതായി ഇഡി സ്ഥിരികരിച്ചിരുന്നു. ഇതിന് പിന്നാലെയാണ് പിണറായി വിജയനെയും മുഹമ്മദ് റിയാസിനെയും കേസില് ഉള്പ്പെടുത്തണമെന്ന് ആവശ്യപ്പെട്ട് ഇഡി പൊലീസ് മേധാവിക്കു കത്തയച്ചിരിക്കുന്നത്.
