സിനിമകളുടെ ലാഭ- നഷ്ട കണക്കുകൾ പുറത്തുവിടുന്നതിനോട് എനിക്ക് യോജിപ്പില്ല ;നിവിൻ പോളി

സിനിമകളുടെ ലാഭ- നഷ്ട കണക്കുകൾ പുറത്തുവിടുന്നതിനോട് തനിക്ക് യോജിപ്പില്ലെന്ന് നിവിൻ പോളി

'സർവ്വം മായ'യുടെ റിലീസിന് പിന്നാലെ നടത്തിയ വാർത്താ സമ്മേളനത്തിൽ സംസാരിക്കവെ ആണ് നിവിൻ ഇക്കാര്യം പറന്നത് .

ഇത്തരം കണക്കുകൾ പുറത്തുവിടുന്നതിനേക്കാൾ നല്ല സിനിമ ഉണ്ടാക്കാൻ ശ്രമിക്കുന്നതായിരിക്കും നല്ലതെന്നുംനിവിൻ പറഞ്ഞു.

"നല്ല സിനിമ ഉണ്ടാക്കാൻ ശ്രമിക്കുന്നതായിരിക്കും നല്ലത്. ഈ കണക്ക് പുറത്തുവിടുന്നത് എന്തിനാണെന്ന് എനിക്കിതുവരെ മനസിലായിട്ടില്ല.

ഇത്രയും നാൾ ഇല്ലാത്ത ഒരു പരിപാടിയായിരുന്നു അത്.

അത് വേണ്ട എന്നാണ് എനിക്ക് തോന്നുന്നത്.

നമ്മളെല്ലാവരും ഒരുമിച്ച് ഒരു പ്രസ്ഥാനത്തെ മുൻപോട്ട് കൊണ്ടുപോകാൻ ശ്രമിക്കുമ്പോൾ ഇങ്ങനെ ചെയ്യുന്നത് ഒരു ബുദ്ധിമുട്ടാണ്.

എല്ലാ ബിസിനസിലും ലാഭവും നഷ്ടവുമൊക്കെ ഉണ്ടാകാറുണ്ട്.

ഇതിങ്ങനെ പബ്ലിഷ് ചെയ്യേണ്ട ആവശ്യമൊന്നുമില്ല. മലയാള സിനിമയെ മുന്നോട്ട് കൊണ്ടുപോകാൻ ഒരു അസോസിയേഷൻ, അല്ലെങ്കിൽ നമ്മളെല്ലാവരും ഒന്നിച്ച് നിൽക്കേണ്ടതാണെന്നാണ് ഞാൻ മനസിലാക്കുന്നത്.

ഇങ്ങനെ കണക്കുകൾ പുറത്തുവിടുന്നതിനോട് ഞാൻ യോജിക്കുന്നില്ല".- നിവിൻ പറഞ്ഞു.കഴിഞ്ഞ ദിവസമാണ് പ്രൊഡ്യൂസേഴ്സ് അസോസിയേഷൻ ഈ വർഷത്തെ സിനിമകളുടെ ലാഭ- നഷ്ട കണക്കുകൾ പുറത്തുവിട്ടത്.

പ്രൊഡ്യൂസേഴ്സ് അസോസിയേഷനെതിരെ നരിവേട്ട സിനിമയുടെ സംവിധായകൻ അനുരാജ് മനോഹറും ജെഎസ്കെ സിനിമയുടെ സംവിധായകൻ പ്രവീൺ നാരായണനും രംഗത്തെത്തിയതിനുപിന്നാലെ ആണ് നിവിൻ തന്റെ നിലപാട് വ്യക്തമാക്കിയത് .