മലയാലപ്പുഴ പോക്സോ കേസ് ;ഒരാൾകൂടി അറസ്റ്റിൽ
പത്തനംതിട്ട: മലയാലപ്പുഴയില് പത്താം ക്ലാസ് വിദ്യാര്ഥിനിയെ ലൈംഗികമായി പീഡിപ്പിച്ച സംഭവത്തില് ഒരാള് കൂടി അറസ്റ്റിൽ . പെരുനാട് സ്വദേശി അജികുമാര് (52) ആണ് അറസ്റ്റിലായത്. പോക്സോ കേസില് മൂന്നു പേരെ ഇന്നലെ പൊലീസ് അറസ്റ്റ് ചെയ്തിരുന്നു.ഇതോടെ കേസില് അറസ്റ്റിലായവരുടെ എണ്ണം നാലായി. കുട്ടിയുടെ അച്ഛനും പെണ്കുട്ടിയെ ലൈംഗികമായി പീഡിപ്പിച്ചിരുന്നു. കേസില് ആകെ ഏഴുപേരാണ് പ്രതികളായിട്ടുള്ളത്. പീഡനക്കേസിലെ പ്രതികളായ അച്ഛനും മറ്റൊരാളും വിദേശത്താണ്. ഇവരെ നാട്ടിലെത്തിക്കാനുള്ള ശ്രമം പൊലീസ് ഊര്ജ്ജിതമാക്കി.ഏഴാം ക്ലാസിലെ അവധിക്കാലത്താണ് പിതാവ് കുട്ടിയെ ആദ്യം പീഡിപ്പിച്ചത്. പിന്നീട് പലവട്ടം പീഡനം തുടര്ന്നതായാണ് പെണ്കുട്ടി മൊഴി നല്കിയിട്ടുള്ളത്. സഹപാഠികളോടാണ് പെണ്കുട്ടി ആദ്യം പീഡനവിവരം വെളിപ്പെടുത്തിയത്. തുടര്ന്ന് ചൈല്ഡ് ലൈന് വഴി പൊലീസില് വിവരം ലഭിക്കുകയായിരുന്നു. വ്യത്യസ്ത കാലയളവില് നടന്ന കേസുകളായതുകൊണ്ട് പ്രത്യേകം എഫ്ഐആറുകളാണ് പൊലീസ് രജിസ്റ്റര് ചെയ്തിട്ടുള്ളത്.
