ശിവലിംഗം ;അറിയാം പ്രത്യേകതകൾ

ശിവനെ ജ്യോതി സ്വരൂപമായി ആരാധിക്കുന്ന പാരമ്പര്യത്തിലെ പ്രധാന പ്രതീകമാണ് ശിവലിംഗം. ലിംഗം എന്നാൽ അടയാളം അഥവാ പ്രതീകം എന്നാണർത്ഥം. സൃഷ്ടി, സ്ഥിതി, സംഹാരം എന്നീ ഭാവങ്ങളെ പ്രതിനിധീകരിക്കുന്ന ലിംഗത്തെ വിഷ്ണു, ബ്രഹ്മാവ്, ശിവൻ എന്നീ മൂന്നു ഭാവങ്ങളായി കണക്കാക്കുന്നു. ഇന്ത്യയിലെ പ്രധാന 12 ശിവലിം ഗങ്ങൾ ജ്യോതിർലിംഗങ്ങൾ എന്നറിയപ്പെടുന്നു.ലിംഗം എന്നത് രൂപമില്ലാത്ത പരമാത്മാവ് എന്നതിന്റെ രൂപഭാവമാണ്. ഇത് പ്രപഞ്ചത്തിന്റെ ഉത്ഭവത്തെയും ഒടുക്കത്തെയും സൂചിപ്പിക്കുന്നു. സാധാരണയായി ത്രീമൂർത്തി ഭാവങ്ങളെ സൂചിപ്പിക്കുന്ന രീതിയിൽ മൂന്ന് ഭാഗങ്ങളായാണ് ലിംഗം നിർമ്മി ക്കുന്നത്.താഴെ ബ്രഹ്മപീഠം, മധ്യത്തിൽ വിഷ്ണു പീഠം, മുകളിൽ ശിവപീഠം.

ലിംഗത്തിന്റെ മുകളിൽ നിന്ന് വീഴുന്ന ജലം/പാൽ ശേഖരിക്കുന്ന ഭാഗത്തെ യോനി അല്ലെങ്കിൽ ശക്തി/പ്രകൃതി എന്ന് വിളിക്കുന്നു. ഇത് ശിവന്റെ ഭാര്യാഭാവത്തെ സൂചിപ്പിക്കുന്നു.

സോംനാഥ് ക്ഷേത്രം: ഗുജറാത്തിലെ സൗരാഷ്ട്രയിലുള്ള പ്രഭാസ് പട്ടണത്തിൽ സ്ഥിതി ചെയ്യുന്നു. ഈ ക്ഷേത്രം ഭാരതീയ സംസ്‌കാരത്തിൽ വളരെയധികം സ്വാധീനം ചെലുത്തിയിട്ടുണ്ട്.

മഹാകാലേശ്വര ക്ഷേത്രം: മദ്ധ്യപ്രദേശിലെ പുരാതന നഗരമായ അവന്തി അഥവാ ഉജ്ജെയിനിൽ സ്ഥിതി ചെയ്യുന്നു.

ഭീമശങ്കർ ക്ഷേത്രം:ത്രിപുരാസുര വധവുമായി ബന്ധപ്പെട്ട ഈ ക്ഷേത്രം മഹാരാഷ്ട്രയിലെ പൂനെക്കടുത്തുള്ള സഹ്യാദ്രി കുന്നുകളിൽ സ്ഥിതി ചെയ്യുന്നു.

ത്രയംബകേശ്വർ ക്ഷേത്രം: മഹാരാഷ്ട്രയിലെ നാസിക്കിനടുത്താണു ഈ ക്ഷേത്രം സ്ഥിതി ചെയ്യുന്നത്. ഗോദാവരി നദി ക്ഷേത്ര പരിസരത്തു നിന്നാണു ഉദ്ഭവിക്കുന്നത്.

രാമേശ്വരം: തമിഴ്‌നാടിനു തെക്കേ അറ്റത്തുള്ള രാമേശ്വര ദ്വീപിൽ സ്ഥിതി ചെയ്യുന്നു. സേതുബന്ധനം ഇതിനടുത്താണ്.

ഓംകാരേശ്വർ ക്ഷേത്രം:മദ്ധ്യപ്രദേശിലെ നർമ്മദാ നദീ തീരത്തുള്ള ദ്വീപിൽ ഈ അമലേശ്വര ക്ഷേത്രം സ്ഥിതി ചെയ്യുന്നു.

വൈദ്യനാഥ ജ്യോതിർലിംഗം: ഝാർഖണ്ഡ് ദിയോഗാർഹിൽ ഈ പുരാതന ക്ഷേത്രം സ്ഥിതി ചെയ്യുന്നു.

മല്ലികാർജ്ജുന ക്ഷേത്രം:ആന്ധ്രാപ്രദേശിലെ കുർണൂൽ ജില്ലയിൽ കാണപ്പെടുന്ന ശ്രീ ശൈലം മല്ലികാർജ്ജുന ക്ഷേത്രം ശിൽപ്പകലകൾ കൊണ്ട് പ്രസിദ്ധമാണ് .

കേദാർനാഥ് ക്ഷേത്രം:ഹിമാലയത്തിൽ മഞ്ഞിനാൽ മൂടി കാണപ്പെടുന്ന ഈ ക്ഷേത്രം വർഷത്തിൽ ആറു മാസം മാത്രമേ തുറക്കുകയുള്ളു. ഉത്തരാഖണ്ഢ് സംസ്ഥാനത്ത് സ്ഥിതി ചെയ്യുന്ന ക്ഷേത്രം നിർമ്മിച്ചത് ആദി ശങ്കരാചാര്യരാണ്.

കാശി വിശ്വനാഥ ക്ഷേത്രം:ജ്യോതിർലിംഗ ക്ഷേത്രങ്ങളിൽ ഏറ്റവും പ്രസിദ്ധം ഈ ക്ഷേത്രമാണ്. ഉത്തർപ്രദേശിലെ ബനാറസിൽ (കാശി / വാരണാസി) സ്ഥിതി ചെയ്യുന്നു.

നാഗേശ്വർ:നാഗേശ്വർ ജ്യോതിർലിംഗം ഗുജറാത്തിലെ ദ്വാരകക്ക് സമീപം സ്ഥിതി ചെയ്യുന്നു.

ഘൃഷ്‌ണേശ്വർ: മഹാരാഷ്ട്രയിലെ എല്ലോറ്ക്ക് സമീപം സ്ഥിതി ചെയ്യുന്നു. ഒന്നാം നൂറ്റാണ്ടിൽ നിർമ്മിച്ച ശിലാലിഖിതങ്ങൾ ഇവിടെ കാണാം.

ശിവലിംഗങ്ങൾ വിവിധ വസ്തുക്കളാൽ നിർമ്മിതമായവയും വ്യത്യസ്ത രൂപത്തിലുള്ളവയുമാണ്. സ്ഫടികം, മണ്ണ് (പാർത്ഥിവ), ലോഹം, ബാണലിംഗം, രസലിംഗം എന്നിവ പ്രധാനപ്പെട്ടവയാണ്. കൂടാതെ, ശിവന്റെ മുഖം കൊത്തിവെച്ച മുഖലിംഗങ്ങൾ (ഏകമുഖ, ചതുർമുഖ), പ്രകാശ സ്തംഭമായ ജ്യോതിർലിംഗങ്ങൾ എന്നിവയും പ്രധാനപ്പെട്ട ശിവലിംഗരൂപങ്ങളാണ്. ഇവ ഓരോന്നും പ്രത്യേക അനുഗ്രഹങ്ങൾ നൽകുന്നു.

പ്രധാനപ്പെട്ട ശിവലിംഗങ്ങളും അവയുടെ പ്രത്യേകതകളും

മൺ ശിവലിംഗം (പാർത്ഥിവ ലിംഗം): മണ്ണ് കൊണ്ട് നിർമ്മിക്കുന്നത്, എല്ലാ ആഗ്രഹങ്ങളും സാധിച്ചുതരുന്നു.

സ്ഫടിക ലിംഗം (Crystal Lingam): പ്രഭ, പ്രശസ്തി, ഭൗതിക സുഖങ്ങൾ എന്നിവ നൽകുന്നു.

ബാണലിംഗം (Bana Lingam): നർമ്മദാ നദിയിൽ നിന്ന് ലഭിക്കുന്ന സ്വയംഭൂ ലിംഗം, ഏറ്റവും പവിത്രമായി കണക്കാക്കുന്നു.

പാരാദലിംഗം (Mercury Lingam): രസം (Mercury) കൊണ്ട് നിർമ്മിക്കുന്നത്, ആരോഗ്യവും ഭാഗ്യവും നൽകുന്നു.

മുഖലിംഗം: ശിവന്റെ മുഖം കൊത്തിവെച്ചവ (ഏക മുഖ, ചതുർമുഖ, പഞ്ചമുഖ ലിംഗങ്ങൾ).

അഷ്ടധാതു/ലോഹ ലിംഗങ്ങൾ: സ്വർണ്ണം, വെള്ളി, ചെമ്പ്, എട്ടുലോഹങ്ങൾ (അഷ്ടലോഹം) എന്നിവയാൽ നിർമ്മിച്ചവ.

ഓരോ ശിവലിംഗത്തിനും അതിന്റേതായ പ്രാധാന്യവും ഭക്തർക്ക് പ്രത്യേക ഫലങ്ങളും വാഗ്ദാനം ചെയ്യുന്നു.